महिलामाथि दुई अपरिचतले गरे एसिड प्रहार

दाङ, फागुन २८ । दाङमा एक महिलामाथि एसिड प्रहार भएको छ ।घोराही नगरपालिका–२ गुलरियाकी ३२ वर्षीया रिता चौधरीमाथि विहीबार राति एसिड प्रहार भएको हो ।आफ्नै किराना पसलमा बसिरहेको बेला दुई अपरिचित व्यक्तिले उनीमाथि एसिड प्रहार गरेर फरार भएका थिए । एसिड प्रहारबाट चौधरीको कान र गालामा घाउ बनेको छ ।एसिड प्रहार गर्नेहरुकोखोजी भइरहेको जिल्ला प्रहरी प्रमुख कुबेर कडायतले जानकारी दिए ।चौधरीको बाँकेको कोलहपुरस्थित शिक्षण अस्पताल उपचार भइरहेको छ ।