प्रधानमन्त्री केपी शर्मा ओलीले नेपाल भारतवेष्टित राष्ट्र नभई भूपरिवेष्टित राष्ट्र भएको बताएका छन्।
आज पूर्वी चितवनको रत्ननगरमा आयोजित अगुवा कार्यकर्ता भेलालाई सम्बोधन गर्दै उनले भने, “नेपाल भूपरिवेष्टित राष्ट्र भएकाले भारतसँगको सम्बन्ध मजदुर र मालिकबीचको नभई सार्वभौमसत्ता सम्पन्न राष्ट्रबीचको हो।”
चीन पनि छिमेकी मूलुक भएकाले भारत र चीन दुवैलाई हेर्ने दृष्ट्रिकोण सरकारको बराबर रहेको उनको भनाइ थियो ।
नेकपा(एमाले) चितवनको आयोजना गरेको भेलामा उनले एमाले राष्ट्रिय राजनीतिको चालक भएको भन्दै आफ्ना कार्यकर्तालाई शिर निहु¥याउने गरी कुनै पनि काम नगर्ने बताए।
एमालेको नेतृत्वमा संविधान जारी भएको भन्दै उनले अब देशले विकासको गति लिने बताए। विकासका लागि सरकारले एक वर्षभित्र विद्युत्भार कटौती अन्त्य गर्ने बताउँदै प्रधामन्त्री ओलीले दुई वर्षमा उपभोक्ताले मागेजति विद्युत् प्रवाह गर्ने बताए। उनले पूर्व–पश्चिम राजमार्गलाई ६ लेनको सडक निर्माणका लागि सरकारले योजना तयार गरिसकेको बताए।
दुई वर्षभित्र केरुङ्बाट काठमाडाँै जोड्ने दुई लेनको सडक निर्माण गरिसक्ने सरकारको योजना रहेको र मुलुकलाई दुई वर्षमा नै खाद्यान्नमा आत्मनिर्भर बनाउने प्रधानमन्त्री ओलीले दावी गरे। रासस
0 comments:
Post a Comment