सुसाइट नोट फेसबुकमा पोष्ट गरेका युवालाई प्रहरीले बचायो

सुसाइट नोट लेखेर फेसबुक वालमा पोष्ट गरेका एक युवकलाई प्रहरीले आत्महत्या गर्नबाट बचाएको छ। बिहीबार झापाका एक युवकले आत्महत्या गर्न लागेको सूचना फेसबुकमा पोष्ट गरे लगत्तै फेसबुक आयरल्याण्डले उक्त पोष्ट गरेपछि निजको प्रोफाईल एक्टिभिटि शून्य पाएकाले तत्काल नेपाल प्रहरीलाई खबर गरेको थियो।ती युवाले अंग्रजी भाषामा सु साइड नोट पाेष्ट गरेका थिए।बिहीबार राति साढे १२ बजे नेपाल प्रहरीलाई ईमर्जेन्सी एलर्ट गराई ज्यान रक्षाको लागि अनुरोध गरेलगत्तै महानगरीय अपराध महाशाखाका प्रहरी निरीक्षक  पशुपतिकुमार रायको कमाण्डमा खटिएको प्रहरी टोलीले ईमर्जेन्सी रेस्पोन्स गरी तत्काल अनुसन्धान शुरु गरेको प्रहरीले जनाएको छ।अनुसन्धानबाट बिएमा अध्यनरत आत्महत्या गर्न लागेको युवकलाई पत्ता लगाएर आवश्यक काउन्सिलिङ समेत प्रदान गरी दुर्घटना हुनबाट जोगाएको प्रहरीले जनाएको छ। सामान्य अवस्थामा आए पश्चात युवकले नेपाल प्रहरीको तदारुकता माथि आश्चर्य  व्यक्त गर्दै धन्यवाद दिँदै अब उप्रान्त यस्तो कार्य नगर्ने प्रतिवद्धता व्यक्त गरेको प्रहरीले बताएको छ ।  स्रोत :- setopati