लभ गर्ने जोडीलाई यसरी हानियो कोर्रा

ईण्डोनेसियामा विवाह भन्दा पहिले प्रेम सम्बन्ध कायम गर्ने एक जोडीलाई ८ कोर्रा हान्ने सजायँ दिइएको छ ।बान्दा एकेह क्षेत्रमा रहेको बेतुरहीम मस्जिद बाहिरको सार्वजनिक क्षेत्रमा ती अभियुक्त युवा युवतीलाई हालै ८।८ पटक बेतबाँसको लठ्ठीले कोर्रा हानिएको छ । सजायँ पाउने २१ वर्षका युवक तथा १९ वर्षकी युवती केही दिनअघि डेटिंग गरिरहेको बेला रंगेहात पक्रिएका थिए ।प्रत्यक्षदर्शीका अनुसार बेतको लौराले ८ पटक हिर्काउँदा ती युवती बेहोस बनिन् र महिला प्रहरी आएर उनलाई उठाएका थिए । शरिया कानूनको खिलाफ बिहेअघि प्रेम गरेको अभियोगमा उक्त जोडीका अलावा अन्य विभिन्न अभियोगमा अरु १६ जनालाई पनि कोर्राँ हान्ने सजाय दिइएको छ । त्यसमध्ये ६ युवकलाई रक्सी खाएको आरोपमा ४०।४० कोर्रा हानिएको छ ।